Health Minister chuan Mizoram State Health Care Society in Office thar tha tak an nei chu lawmawm a tih thu sawiin, a hlawhtlin theihna atana thawktu zawng zawng chungah lawmthu a sawi a. World Bank lama Health Department thawhpui lo kalte chungah lawmthu sawi bawkin, hmalak hona hrang hrangah theihtawp mipui tan an chhuah thin avangin lawmthu a sawi a ni.

Building hawn tak hi a project hmingah “Repair and Renovation of Mizoram State Health Care Society Office” vuah niin, contractor pahnih (Brilliant Consultancy leh M/s Lalhruaitluanga) in an thawk a. Contract Agreement zat chu Rs. 105.2 lakhs a ni a. February ni 15, 2023 khan thawh tan niin April ni 28, 2024 khan an zo. Office hi chhawng hnih niin, a chung (kawng an) ah CEO Room, Program Manager, Office Staff Room leh reception area a awm a. A chhawng hnuai zawkah Deputy CEO Room bakah Officer hrang hrang thutna te, establishment section, store room leh conference room te a awm bawk.